Lantziritik, Etxalaira - bidez bide, bertsoz bertso

Adin ederra igurikatu (itxoin) du Gexan Lantzirik bere bizitzako ibilbidea erdi lasterka kontatzeko. Lehen zati batean bere oroitzapen andana baten kontakizuna idazten digu eta bigarrenean bere gaztaroaz geroztik idatzi dituen kantu, olerki eta bertso bilduma zabal bat ematen. Oroitzapenen sailean, hortxe doaz, besteak beste, Urepele Lantzirian, laborari (nekazari) etxaldean iragan duen denboraz egiten duen aipamena; Uztaritzeko Seminario ttipiko eta Baionako Seminario handiko zenbait gertakizun, Vincent apezpikuarekin izandako lehen eta azken bilkura. Hor aurkitzen da halaber, geroztik barnatu duen kristau sinestea. Bide berez, nola ez irakur ere, familiari, lan-munduari, Ikastola eta Seaskari, presondegian egin pilotari, kantagintza berriari eskaini pasarteakà Liburuko bigarren zatian, berrogei urtez, gogoak eman arau, idatzi dituen kantu, olerki eta bertsoak zabaltzen dira hostoz hosto, bidenabar erakutsiz noiz, non gaindi eta zertaz egin dituen bere gogoetakà Zure esku daukazu orain, irakurle, euskaltzale suhar baten lekukotasuna.